၁။ ကြော်ငြာစာအမှတ် (၃/၂၀၂၃) နှင့် (၄/၂၀၂၃) တို့အတွက် လျှောက်ထားသူများအားလုံး အနေဖြင့် OES (Online Exam System) Mockup Test အား မဖြစ်မနေ စမ်းသပ်ဖြေဆိုကြရမည် ဖြစ်ပါသည်။ ၂။ စမ်းသပ်ဖြေဆိုရမည့်ရက်မှာ ၁၇-၆-၂၀၂၃ ရက် (စနေနေ့)နံနက်(၀၉:၀၀)နာရီမှ (၁၁:၀၀) နာရီ အထိ ဖြစ်ပြီး ဖြေဆိုရမည့် ဘာသာရပ်မှာ အင်္ဂလိပ်စာဘာသာ တစ်မျိုးတည်းသာဖြစ်ပါသည်။ ၃။ ဖြေဆိုရန် Link မှာ https://mockupexam.ucsb.gov.mm/ မှတစ်ဆင့် ဝင်ရောက်ပြီး ကြိုတင်၍ Register ပြုလုပ်ကာ သတ်မှတ်ဖြေဆိုချိန်အတိုင်း ဖြေဆိုရမည်ဖြစ်ပြီး ဖြေဆိုချိန် ပြည့်ပါက စနစ်မှ အလိုအလျောက် ပိတ်သွားမည်ဖြစ်ပါသည်။ ဖြေဆိုမှုပြီးဆုံးပါက ထည့်သွင်း ရမည် Exam Code မှာ 1234 ဖြစ်ပါသည်။ ၄။ OES (Online Exam System) Mockup Test စမ်းသပ်ဖြေဆိုရန်အတွက် သိရှိမေးမြန်း လိုပါက ဖုန်းနံပါတ် ၀၆၇၃၄၀၉၁၆၇၊ ၀၆၇၃၄၀၉၁၇၉၊ ၀၉၄၂၄၄၀၈၉၅၄ သို့ ဆက်သွယ် စုံစမ်း မေးမြန်းနိုင်ပါသည်။ ၅။ ယခုစမ်းသပ်ဖြေဆိုမှုသည် ၈-၇-၂၀၂၃ရက်(စနေနေ့) နှင့် ၉-၇-၂၀၂၃ ရက်(တနင်္ဂနွေနေ့) များတွင် ဖြေဆိုမည့် ရေးဖြေစာမေးပွဲများအတွက် အထောက်အကူဖြစ်စေရန် ဆောင်ရွက်ခြင်းဖြစ် ပါသည်။
ကြော်ငြာစာအမှတ်၊(၂/၂၀၂၃)ဖြင့်ခေါ်ယူထားရှိသော ကျန်းမာရေး ဝန်ကြီးဌာန၊ ကျန်းမာရေးလူ့စွမ်းအားအရင်းအမြစ်ဦးစီးဌာန၊ ဆရာဝန်(သရုပ်ပြ)နှင့်ဆရာဝန် (သွား နှင့်ခံတွင်း)ရာထူး(၁၂၇)နေရာအတွက် ကျန်းမာရေးဝန်ကြီးဌာန၏ ညှိနှိုင်းချက်အရ လျှောက်လွှာ ပိတ်ရက်ကို ၁၉ - ၅ - ၂၀၂၃ ရက်နေ့မှ စတင်၍ ၂-၆-၂၀၂၃ ရက်နေ့အထိ တိုးမြှင့် သတ်မှတ်ထား ပါကြောင်း အသိပေးကြေညာအပ်ပါသည်။
လျှောက်ထားသူများအနေဖြင့် ကြော်ငြာစာအမှတ်(၃/၂၀၂၃)၌ ရာထူး(၂)မျိုးလျှောက်ထားခဲ့ သူဖြစ်ပါက ကြော်ငြာပါဦးစီးအရာရှိရာထူး(၂၅)နေရာအတွက် ထပ်မံလျှောက်ထားရန် ခွင့်မပြုတော့ ပါကြောင်း၊ ရာထူး(၁)မျိုးလျှောက်ထားခဲ့သူသာ ကြော်ငြာပါရာထူးအတွက် ထပ်မံလျှောက်ထား ရမည်ဖြစ်ပါကြောင်းနှင့် ကြော်ငြာစာအမှတ် (၄/၂၀၂၃)ကို လျှောက်ထားလိုပါက e-Recruitment and Selection System(e-RSS) စနစ်အတွင်းတွင် ကြော်ငြာစာအမှတ်(၃/၂၀၂၃)၏ နောက်ဆက်တွဲ အနေဖြင့်ရှာဖွေ၍ဝင်ရောက်လျှောက်ထားနိုင်ပါကြောင်းအသိပေးဖော်ပြအပ်ပါသည်။
